Rezultatet jo të mira për Kosovën, të Programit për Vlerësimin Ndërkombëtar të Nxënësve (PISA), që kryhet një herë në tre vjet dhe teston aftësitë e 15-vjeçarëve, ka nxjerrë  edhe të dhënat se a janë më të interesuar djemtë apo vajzat në fushën e shkencës.

Nga rezultatet e bëra publike del se gjinia femërore në Kosovë është më e interesuar për të ardhmen, sa i përket shkencës.

Në përgjigjet e dhëna 28.1 për qind e vajzave e shohin të ardhmen të ndërlidhur me fushën e shkencës, ndërsa djemtë janë të interesuar për 24.7 për qind.

Por gjithsej nga 70 shtetet e përfshira në këtë studim, djemtë janë më të interesuar në fushën e shkencës se saj vajzat, përqindja e djemve është 25 për qind, ndërsa ajo e vajzave është 23.9.

PISA ka filluar në vitin 2000, në vitin 2015 rreth 540,000, studentë nga 72 vende morën pjesë në PISA./Insajderi.com