Institucioni më i lartë i futbollit në Evropë, UEFA, ka konfirmuar se Policia e Zvicrës ka bastisur zyrat e saj në Nyon pas skandalit Panama Papers.

Me këtë skandal u lidhën edhe presidenti i ri i FIFA-s, Gianni Infantino, që kishte nënshkruar një kontratë me Hugo dhe Mariano Jinkis.

Kjo kontratë thuhet se ishte bërë më 2006 në kohën sa Infantino ishte drejtor i UEFA-s. Prokuroria amerikane thotë se Hugo Jinkis dhe djali i tij, që udhëheqin CrossTrading, kishin marrë në mënyrë ilegale të drejtat televizive për turnetë në futbollin e Amerikës Jugore.

“Uefa mund të konfirmojë se sot ka marrë një vizitë nga Policia e Zvicrës që kishte urdhrin për të vëzhguar kontratat mes UEFA-s dhe ‘Cross Trading/Teleamazonas. Natyrisht UEFA i dha qasjen në dokumentet tona dhe do të bashkëpunojmë”, thuhet në njoftimin e UEFA-s. /Insajderi.com