Policia e Serbisë ka deklaruar se në Shabac ka konfiskutar 4 mijë pako me banderola të Kosovës, nga 19 mijë sa ka qenë konfiskimi i përgjithshëm.
Siç raporton mediumi “kossev”, cigaret janë gjetur gjatë kontrollit të dy kamionëve, të cilët ishin drejtuar nga E.P. (1989) nga Tutin, A.V. (1983) dhe P.B. (1979) nga Loznica.
“Policia ka gjetur 4,000 pako cigare me markat e akcizës të Kosovës dhe 15,170 pako pa markat e akcizës“, ka njoftuar Ministria e Brendshme e Serbisë.
Vlera e tregut e cigareve të konfiskuara, për të cilat të dyshuarit nuk kishin prova për origjinën dhe blerjen e tyre, është më shumë se 6,500,000 dinarë.
Siç njofton mediumi të dyshuarve u është caktuar ndalim deri në 48 orë dhe ngarkohen për krimin e “trafikimit të ndaluar të produkteve të akcizës“.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
