Nysret Gubetini, 65 vjeç është gjetur pa shenja jete në objektin e shoqatës së shurdhmemecëve në Mitrovicë pasditen e djeshme.

Lajmi ishte konfirmuar nga policia e Kosovës dhe prokuroria.

“Raportohet se në brendi të lokalit të shoqatës të verbërve dhe shurdhmemecëve është gjetur pa shenja jete viktima mashkull  kosovar. Dyshohet që viktima është goditur me një mjetë të fortë”, u tha në raportin e policisë.

Insajderi ka kontaktuar me zëdhënësin e policisë për rajonin e Mitrovicës, Avni Zahiti dhe i njëjti tha se nuk ka të arrestuar.

“Jo, deri më tani nuk ka të arrestuar për këtë rast, hetimet janë duke vazhduar deri në zbardhjen e plotë të rastit”, tha ai për Insajderin.