Policia e Kosovës ka dhënë detaje për aksidentin që ka ndodhur të shtunën në Krushevë të Madhe të Klinës, ku janë përplasur një kombibus me një tren.

Në aksident vdiqën një burrë e një grua.

“Aksidenti dyshohet se ka ndodhur pasi drejtuesi i automjetit, tanimë i ndjeri, nuk e ndali automjetin në shenjën ‘STOP’ para vendkalimit mbi hekurudhë, me ç’rast është goditur nga treni. Vdekjen e viktimave e ka konstatuar ekipi mjekësor”, ka njoftuar policia e Kosovës.

Me urdhër të prokurorit trupat e pajetë janë dërguar për obduksion.