Policia e Kosovës përmes një njoftimi për media ka bërë të ditura detaje nga plagosja e një personi në orët e hershme të mëngjesit të sotëm në një lokal në Prishtinë.

I plagosuri sipas policisë është M.Sh 56 vjeçarë, i cili menjëherë është dërguar në QKUK, për tretman mjekësor.

Ndërsa, i dyshuari i arrestuar është Z.B 22 vjeçar, të cilin policia ka arritur të kapte derisa ai ishte duke lëvizur me veturën golf V, në magjistralen Prishtinë – Mitrovicë.

Bëhet e ditur se lidhur me këtë rast hetuesit kanë konfiskuar, veturëm Golf V, ngjyrë hiri me targa të Kosovës, një revole me gaz si dhe 12 gëzhoja (të AK47), të cilat janë gjetur në automjet.

“Aktualisht po vazhdon ekzaminimi i vendit të ngjarjes, ndërkohë që hetuesit policor janë në kërkim të katër personave të tjerë të cilët dyshohet të jenë të përfshirë në rastin në fjalë”, thuhet në njoftimin e policisë.