Policia e Kosovës ka kërkuar ndihmën e qytetarëve për të identifikuar një person të dyshuar për përfshirje në një rast sulmi, shkruan Insajderi.

Në një njoftim për media, Policia e Kosovës ka publikuar fotografinë e personit në fjalë dhe u bën thirrje të gjithë qytetarëve që kanë informacion relevant të ndihmojnë në identifikimin e tij.

“Të gjithë ata që kanë çfarëdo informacioni që mund të çojë në identifikimin e këtij personi, lusim të kontaktojnë policinë në numrin emergjent 192 ose përmes adresës elektronike: [email protected],” thuhet në njoftimin zyrtar.

Policia garanton konfidencialitetin e plotë të informacioneve të ofruara.