Teksa kreu i Komisionit hetimor për CEZ­-in, Taulant Balla, në lidhje me privatizimin e kompanisë dhe blerjen e aksioneve nga kompania çeke, ka kërkuar që në seancë deputeti Sali Berisha të merret me Polici nëse nuk vjen me dëshirë, ky i fundit nuk ia ka plotësuar dëshirën sot.

Policia ka shkuar paraditen e të hënës në banesën e ish­-kryeministrit, por nuk e kishte gjetur në shtëpi. Në një letër që Policia i ka dërguar Taulant Ballës, sipas tyre, ata kanë trokitur por nuk e kishte hapur njeri derën, shkruan Panorama.

Sali Berisha është paraqitur vetë për të dëshmuar në komision. Sherri pa kamera Balla­ Berisha (në mbledhjen e kaluar) Komisioni Hetimor për çështjen CEZ nuk arriti t’i merrte asnjë deponim ish­Kryeministrit Sali Berisha në lidhje me privatizimin e kompanisë dhe blerjen e aksioneve nga kompania çeke.

Ish-­Kryeministri Berisha iu përgjigj pozitivisht kërkesës së kryetarit të Komisionit, Taulant Balla, pak ditë më parë, kur ky i fundit deklaroi se do t’u bënte thirrje organeve të rendit të thërrisnin me forcë Berishën në Komision.

Por mbledhja e Komisionit dështoi ende pa nisur. Të dyja palët duket se kishin strategjitë e tyre për të ngacmuar deri në limit kundërshtarin. Balla që në fillim të seancës tentoi ta kthente atë në një gjyq publik. Ai disa herë nuk e përmendi emrin e ish-­kryeministrit, por e thirri atë “dëshmitar”./panorama/