Presidentja e Kosovës, Vjosa Osmani, ka pritur sot në takim ministrin e Mbrojtjes, Armend Mehaj, lidhur me zhvillimet e fundit në vend si dhe sfidat e sigurisë.

Në një njoftim të Presidencës thuhet se presidentja Osmani dhe ministri Mehaj diskutuan për vazhdimin e bashkëpunimit të ngushtë në mes të institucioneve të sigurisë për të garantuar mjedis të sigurt për të gjithë qytetarët e vendit.

Ndryshe, gjatë ditës, e para e shtetit ka pasur takim edhe me kreun e FSK-së, gjenerallejtënant Bashkim Jashari si dhe me shefin e EULEX-it.