Presidentja e Kosovës, Vjosa Osmani e ka uruar popullin e Kenias me rastin e Ditës së Pavarësisë.

Ajo e uroi edhe homologun e saj, William Samoei Ruto, me të cilin ndau edhe një fotografi në rrjetin social “X”.

“Sot, ne bashkohemi me ju për të festuar kulturën e pasur, historinë krenare dhe trashëgiminë e gjallë të Kenias. Ne mezi presim të vazhdojmë përpjekjet tona për të përmirësuar marrëdhëniet tona, duke hapur rrugën për një bashkëpunim edhe më të madh reciprokisht të dobishëm midis vendeve dhe popujve tanë”, ka shkruar shefja e shtetit.