E ashtuqujtura zyra Serbe për Kosovën ka reaguar pas aksionit të sotëm të Policisë së Kosovës në komunën e Shtërpcës. Në kumtesën e tyre thuhet se kamerat e vëzhgimit që po largon policia “nuk funksioninin prej disa vitesh”.

Por këto i ka demantuar prokurori i rastit, Rasim Maloku.

Ai tha për Insajderin se ato kamera kanë qenë aktive për strukturat ilegale.

“Kamerat kanë qenë aktive për strukturat ilegale”, tha ai shkurt për Insajderin.

Drejtori i Zyrës për Kosovën në Serbi është Petar Petkoviç ku sipas komunikatës thuhet se aksioini ka për qëllim frikësimin e serbëve.

 “Më shumë se 30 pjesëtarë të ROSU-së sot në mëngjes kanë bastisur Shtërpcën me qëllim të frikësimit dhe ngacmimit të ri të serbëve në këtë komunë”, ka kumtuar zyra e Petkoviqit.