Prokuroria Themelore në Prishtinë ka njoftuar se ka autorizuar Policinë e Kosovës për grumbullimin e informatave dhe provave lidhur me mungesën e trajtimit të mbeturinave dhe situatën e krijuar në Komunën e Prishtinës si rezultat i mosgrumbullimit të tyre, përcjell Insajderi.

Sipas njoftimit, Prokurori i Shtetit, në cilësinë e Koordinatorit kundër krimeve mjedisore, ka kërkuar nga njësia për hetimin e krimeve mjedisore në Prishtinë që të ndërmerren të gjitha veprimet e nevojshme në drejtim të veprës penale “Ndotja, degradimi ose shkatërrimi i mjedisit”, siç përcaktohet në nenin 338 të Kodit Penal të Republikës së Kosovës.

Prokuroria Themelore në Prishtinë ka theksuar se mbetet e përkushtuar në zbatimin e ligjit dhe në trajtimin me prioritet të çështjeve që kanë të bëjnë me mbrojtjen e mjedisit dhe interesin publik.

IN Promo Marketing

Ephesus Travel and Holiday fillon sezonën me ofertat më ekskluzive për pushime dhe fluturime direkte

Udhëto Kosovë-Zvicër-Kosovë me autobusët komod të kompanisë Auloni Tours

Zjarr n’Prishtinë: Shija amerikane e Firehouse Subs po vjen sot n’Prishtina Mall!