Hetimet për vdekjen e aktivistit të Lëvizjes Vetëvendosjes, Astrit Dehari ende nuk kanë përfunduar pavarësisht se kanë kaluar një muaj prej se ai u gjet i vdekur në qendrën e paraburgimit në Prizren.

Kryeprokurori i Prizrenit, Sylë Hoxha, ka thënë për Gazetwn  Express se hetimet janë duke vazhduar dhe se po presin edhe disa ekspertiza.

“ Nuk i kemi kryer ende hetimet. Jemi duke i pritur edhe disa ekspertiza. Jemi duke punuar në këtë rast”, ka thënë Hoxha.

“Kur t’i kryejmë të gjitha hetimet do të dalim dhe do të tregojmë sikurse herën e kaluar”, ka shtuar ai.

Astrit Dehari vdiq më 5 nëntor derisa ishte i paraburgosur nën dyshimin se kishte marrë pjesë në sulmin ndaj Kuvendit të Kosovës.Bashkë me Deharin ishin të dyshuar edhe pesë anëtarë tjerë të Vetëvendosjes.

Prokuroria e Kosovës e ka cilësuar si vdekjen e Deharit si vetëvrasje bazuar në Raportin e Institutit të Mjekësisë Ligjore.