×
  • Lajme
  • Lajme

    Prokuroria speciale heqë dorë nga aktakuza kundër Sylejman Selimit

    Insajderi
    27 October 2016 - 21:56
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Prokuroria speciale ka hequr dorë nga aktakuza kundër Sylejman Selimit, Nexhat Qubrelit, Shefki Hysenit dhe Ismet Haxhës.

    Ata akuzoheshin për krime lufte kundër popullatës civile. Selimi dhe të tjerët kanë qenë në akuzuar për rrahjen e dy vajzave shqiptare nga Mitrovica.

    Akuza kishte të bënte edhe me dhunim seksual të tyre.

    Prokuroria ka hequr dorë nga akuza pak ditë para fillimit të rigjykimit ne Gjykatën Themelore të Mitrovicës.

    Insajderi ka siguruar vendimin për tërheqje nga aktakuza.

    terheqje1-2 terheqje2

    Me 15 qershor të këtij viti, Gjykata e Apelit kishte vendosur të mërkurën që rastin gjyqësor kundër ish-ambasadorit të Kosovës në Tiranë, Sylejman Selimi, që ka të bëjë me “cenimin e integritetit trupor dhe shëndetit të një femre civile shqiptare e Kosovës dhe torturimin e një femre tjetër civile shqiptare e Kosovës”, ta kthejë në rigjykim.

    “Më 5 prill 2016, një Kolegj i Gjykatës së Apelit, i përbërë nga dy gjyqtarë ndërkombëtarë dhe një vendas, ka vendosur lidhur me ankesën e PSRK-së kundër aktgjykimit lirues të Gjykatës Themelore të Mitrovicës për një rast të krimeve të luftës kundër popullatës civile. Ky Kolegj i Apelit me votim unanim vendosi që aktgjykimin e shkallës së parë ta anulojë pjesërisht dhe lëndën ta dërgojë në rigjykim”, thuhej në njoftimin e Gjykatës së Apelit.

    Vetëm katër ditë më parë, Gjykata e Apelit,  publikoi aktgjykimin kundër Sylejman Selimit, ish-komandant i përgjithshëm i UÇK-së dhe të tjerëve. Selimit i është ulur dënimi nga tetë, në shtatë vjet burgim.

    Kësisoj Selimi, nuk do të përballet edhe me një aktakuzë tjetër.

    Sylejman Selimi, Ismet Haxha, Nexhat Qubreli dhe Shefki Hyseni ishin liruar nga akuzat në maj të vitit 2014 nga Gjykata Themelore e Mitrovicës

    “Megjithatë, Kolegji i Apelit vlerësoi se lënda duhet të dërgohet në rigjykim në lidhje me identifikimin e të pandehurit S.S, përfshirjen e të pandehurit I.H. në ekzekutimin e simuluar dhe identifikimin e Sh. H. në rastin e përdhunimit”./Insajderi.com

     

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark