Prokuroria Themelore në Prishtinë e ka autorizuar Policinë e Kosovës që të ndërmarrin veprimet e nevojshme hetimore për anëtarin e Lëvizjes Vetëvendosje në Komisionin Qendror të Zgjedhjeve, Sami Kurteshi, i cili ditë më parë ka bërë disa deklarata të papranueshme ndaj mediave.

Këtë për Insajderin e ka konfirmuar Prokuroria Themelore në Prishtinë.

“Lidhur me pyetjen tuaj ju njoftojmë, se Prokurori i shtetit ka autorizuar Policinë e Kosovës në ndërmarrjen e veprimeve hetimore ndaj Sami Kurteshi”, thuhet në përgjigjen e Prokurorisë.

Ndërkaq, AGK-ja ka kërkuar nga Lëvizja Vetëvendosje që të sigurojë që përfaqësuesi i saj në KQZ të përmbahet nga gjuha fyese dhe kërcënuese ndaj mediave dhe të mos pengojë punën e gazetarëve në Kosovë.

Të enjten Sami Kurteshi përmes një postimi në Facebook ka sulmuar edhe Asociacionin e Gazetarëve të Kosovës (AGK), i cili ka thënë se AGK është shndërruar në Aleancë të Grupeve Kriminale (AGK).