Vichai Srivaddhanaprabha, pronari i Leicester City, njeriu i katërt më i pasur i Tajlandës me një pasuri personale prej 2 miliard eurosh, i ka dhuruar stafit dhe lojtarëve të ekipit 30 Mercedes Class B Electric. Një gjest që i ka kushtuar atij rreth 1 milion sterlina. Por, numrit një të “Dhelprave”, i ka mjaftuar një natë në kazino për të nxjerrë më shumë se dyfishin e shumës së shpenzuar për makinat luksoze. Në fakt, siç ka bërë të ditur “The Sun”, të mërkurën në mbrëmje biznesmeni 58-vjeçar ka qenë vizitor, bashkë me disa miq, i “Gentling Casino”, prej ku ka dalë disa orë më vonë me 2,5 milionë sterlina të fituara (më shumë se 3 milionë euro).