Zëdhënësja e Ministrisë së Jashtme të Rusisë, Maria Zakharova, ka thënë se Moska vlerësoi planin e Kinës për të zgjidhur konfliktin në Ukrainë dhe tha se ishte e hapur për arritjen e qëllimeve të asaj që e quan “operacioni i saj special ushtarak” përmes mjeteve politike dhe diplomatike.

“Ne vlerësojmë dëshirën e sinqertë të miqve tanë kinezë për të kontribuar në zgjidhjen e konfliktit në Ukrainë me mjete paqësore. Ne ndajmë pikëpamjet e Pekinit”, ka deklaruar Zakharova.

Megjithatë, kjo do të nënkuptonte gjithashtu njohjen e “realiteteve të reja territoriale” në Ukrainë, ka shtuar ajo, duke iu referuar aneksimit të njëanshëm nga Rusia të katër rajoneve të Ukrainës – Donetsk, Luhansk, Kherson dhe Zaporizhzhia, si dhe të Krimesë.

Vërejtjet e saj erdhën pasi presidenti i Ukrainës, Volodymyr Zelensky, ka thënë se kishte pika në propozimet kineze që ishin të kuptueshme” dhe “ka nga ato që ne nuk i bëjmë”.

“Por kjo është diçka,” shtoi ai në një konferencë shtypi në përvjetorin e parë fillimit të luftës ruse.

“Kina ka treguar mendimet e saj. Unë besoj se fakti që Kina filloi të flasë për Ukrainën nuk është i keq. Por pyetja është se çfarë pason fjalët. Pyetja është në hapat dhe se ku do të çojnë ato”, është shprehur Zelensky.

Lexo edhe: