Fermerët kanë mbushur rrugët e kryeqytetit të Greqisë, Athinës për protesta kundër rritjeve të taksave dhe reformave në pensione, raporton The Guardian.

Protestat e fermerëve në Greqi, të cilët kundërshtojnë rritjen e planifikuar të taksave nga qeveria greke dhe reformat në pensione kanë shkaktuar përplasjen e tyre me policinë.

Rreth 800 fermerë nga ishulli i Kretës kanë dalë në rrugë para ministrisë së bujqësisë, duke e gjuajtur atë me domate dhe kjo ka nxitur daljen nga kontrolli të situatës dhe ndërmarrjen e masave nga policia të cilët në përpjekje për t’i ndaluar ata shkaktuan përplasje, raporton Insajderi.

Intervenimi i policisë ka përfshirë edhe gjuajtjen e gazit lotsjellës, gjë që ka nxitur protestuesit të godasin me gurë objektin e ministrisë.

Shumë prej xhamave të objektit të ministrisë janë thyer, derisa xhamat e thyer dhe gurët që e gjuajtur drejt ministrisë mund të shihen nëpër rrugë. Policia ka vazhduar duke gjuajtur gaz lotsjellës dhe si rezultat ka arrestuar katër fermerë.

Protestat kundër reformës së pensioneve i kanë bashkuar grupe njerëz të profesioneve të ndryshme, duke përfshirë avokatë, artistë, inxhinierë, doktorë, dentistë dhe punëtorë ta kazinosë./Insajderi.com