Qeveria e Kosovës ka ndarë 1.1 milion euro për rregullimin e stadiumit olimpik Adem Jashari në Mitrovicë.

Lajmin e ka bërë të ditur Ministri i Financave, Avdullah Hoti, i cili ka thënë se punët për përmirësimin e infrastrukturës në këtë stadium do t’i kryejë Ministra e Sportit.

“Pranimi i Kosovës në FIFA dhe UEFA është shpresë dhe motivim për të rinjtë sportistë. Qeveria do të mbështesë maksimalisht, brenda mundësive që ka, sportistët si dhe ndërtimin e infrastrukturës së nevojshme sportive.  Sporti po ndihmon shumë, krahas diplomacisë, në konsolidimin e identitetit ndërkombëtar të shtetësisë së Kosovës:” ka shkruar Hoti në llogarinë e tij në Facebook.

Megjithëse Kosova u pranua në UEFA, klubet kosovare nuk do të mund të luajnë këtë stinor në garat evropiane pasi që nuk i plotësojnë standardet në infrastrukturë./Insajderi.com