×
  • Lajme
  • Lajme / Kosovë

    Qeveria serbe e vazhdon afatin për ngjitësit, kërkon zgjidhje në dialog

    Insajderi
    06 December 2022 - 22:51

    Qeveria e Serbisë, ka miratuar një rregullore me anë të së cilës do të zgjatet periudha e vlefshmërisë së ngjitësve për automjetet me targa serbe në Kosovë.

    Ky dekret, siç shkruan N1, rregullon kushtet e veçanta për vlefshmërinë e regjistrimit të automjeteve që kanë targa të qyteteve të Kosovës.

    Periudha e vlefshmërisë, sipas kësaj rregulloreje, do të vazhdohet deri një arritjen e një zgjidhje të përhershme për këtë çështje.

    Më tej, bëhet e ditur se ministria e Brendshme serbe nuk do të lëshojë targa të reja, por se automjetet me targa ilegale si “KM” e “PR”, mund të marrin pjesë në trafik me dëshmi teknike të automjetit dhe sigurim të detyrueshëm.

    Në rregullore thuhet se procedurat për dhënien ose zëvendësimin e targave me targat e specifikuara që kanë filluar dhe nuk kanë përfunduar para hyrjes në fuqi të atij akti ligjor, “do të ndërpriten në përputhje me këtë rregullore”.

    Kjo nënkupton  që pronarët e automjeteve do të jenë në gjendje të vazhdojnë të ngasin makinën me ngjitësit e tyre ekzistues.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark