Përkundër që në mbledhjen e të mërkurës të Komisionit për Buxhet dhe Financa ishte konstatuar miratimi në parim i Projektligjit që mundëson tërheqjen e një përqindje të mjeteve të Trustit, kryetari i Komisionit Armend Muja tha se në bazë të Rregullores së re të Kuvendit të Kosovës nuk ka kaluar ky projektligj.
Deputeti Muja në mbledhjen e radhës, e cila u mbajt pak orë pas saj për shqyrtimin e buxhetit 2023, tha se nuk ka pasur vota të mjaftueshme për Trustin.
Sipas tij, do të duhej të ishin 5 vota për, jo katër.
Momentin që Muja e ka dhënë këtë njoftim, deputeti i AAK-së, Besnik Tahiri ka reaguar.
“Urime që kaloi Trusti! O Zoti, pa ju vra mos e lashtë!”, tha me ironi Tahiri.
Vlen të theksohet se rreth 20 mijë qytetarë, kanë nënshkruar peticion për tërheqjen e kursimeve pensionale nga Trusti. /Insajderi