Qytetarë të shumtë, organizata të dala nga lufta përfaqësues të institucioneve dhe deputetë të Parlamentit të Kosovës, u mblodhën edhe sot në Rahovec për të kërkuar lirimin pa kushte të liderit të AAK-së Ramush Haradinaj , i cili po mbahet në Francë që nga 4-tër janari

Nënkryetari i AAK-së, Ahmet Isufi para të pranishmëve theksoi se ndalimi i Haradinajt në Francë , humb kuptimin e njohjes së Kosovës menjëherë pas shpalljes së pavarësisë.

Ramush Haradinaj nuk i është friksuar kurrë drejtësisë, atë e ka dëshmuar dy herë radhazi tha kryetari i Rahovecit Idriz Vehapi.

Ndërsa kryetari i degës së AAK-së, Smajl Latifi , duke u bashkuar me thirrjen e qindra qytetarëve tha se, kjo është një thirrje e civilizuar për lirimin e Haradinajt.

Lirimi i Haradinajt u kërkua edhe në qytetin e Gjakovës.

Ramush Haradinaj u arrestua më 4 janar nga autoritetet franceze bazuar në një urdhëarrest të Serbisë.