Mbi 800 punëtorë të kompanisë “NewCo Feronikeli” do të mbesin jashtë vendit të punës, pasi menaxhmenti ka vendosur të ndërpresë përkohësisht veprimtarinë e fabrikës deri në dhjetor të vitit 2025.

Në njoftimin që u është dërguar punëtorëve, sipas periskopit, theksohet se gjatë kësaj periudhe pezullimi, ata do të kompensohen me 50% të pagës bazë, transmeton Insajderi.

“Pezullimi i prodhimit dhe ndalimi i plotë i veprimtarisë parashikohet të zgjasë deri në fund të vitit 2025. Kjo periudhë do të shërbejë për ndërmarrjen e masave që synojnë përmirësimin e gjendjes financiare të kompanisë”, thuhet në njoftim.