Sulmuesi i ri i Manchester Unitedit,Marcus Rashford, i cili është kthyer në një senzacion në tre ndeshjet e fundit të Unitedit, pasi të dielen i shënoi dy gola Arsenalit të nesërmën në mëngjes shkoi në shkollën e tij publike në Manchester.
Edhe pse një yll futbolli tashmë, Rashford nuk dëshironte të mungonte në shkollë.
“Kur shkova të hënën në mëngjes në një nga koridoret e shkollës e pashë atë teksa luante bilardo me një nga shokët e tij”, deklaroi mësuesi kujdestar i Rashfordit, Aiden Maloney, shkruan The Daily Telegraph.
Rashford është zbulimi më i fundit i Louis Van Gaal dhe shihet si një nga talentët më të mëdhenj të Unitedit dhe Anglisë. /Insajderi.com