Gazeta Insajderi ka raportuar ekskluzivisht në lidhje me abuzimin psiqik që logopedi nga Gjilani, Iljasa Fazliu bënë me një vajzë të mitur me autizëm në ordinancën e tij.

Rasti ka ndodhur në ordunancën AAR Logo + në Gjilan. Vajza e mitur dje kishte seancën e saj të pestë, por, inqizimet e mbarëvajtjes së asaj seance shikuan familjarët.

Babai i saj me një familjar tjetër u konfrontuan me mjekun edhe fizikisht.

Në raportin e policisë së Kosovës thuhet se janë arrestuar tre persona. Insajderi nga burime të sigurta merr vesh se të arrestuar janë babai i vajzës me vëllaun e tij e më pas edhe doktori.

”Janë arrestuar tre të dyshuar meshkuj kosovarë, dy prej tyre pasi që kanë sulmuar fizikisht të dyshuarin e tretë i cili është mjek, të cilit i kanë shkaktuar lëndime”, thuhet në raportin e policisë.

Ndërkaq sipas raportit, doktori është arrstuar pas dyshimeve se ka kryer veprën trajtim i pandërgjegjshëm mjekësor.

”I dyshuari i tretë është arrestuar për shkak të dyshimit se ka kryer veprën trajtim i pandërgjegjshëm mjekësor dhe për shkak të sulmit ka pranuar tretman mjekësor”, thuhet në raport.

Insajderi ka kontaktuar edhe me zëdhënësin e policisë në Gjilan, Ismet Hashani i cili tha se doktori është arrestuar në orën 00:50 në mbrëmje.

Të dyshuarit pas intervistimit janë dërguar në mbajtje.

”INCIDENTET KRIMINALE SULM NDAJ PERSONIT ZYRTAR & TRAJTIM I PANDËRGJEGJSHËM MJEKËSOR Rr. Mulla Idrizi, Gjilan 26.11.2022 – 12:52. Janë arrestuar tre të dyshuar meshkuj kosovarë, dy prej tyre pasi që kanë sulmuar fizikisht të dyshuarin e tretë i cili është mjek, të cilit i kanë shkaktuar lëndime. I dyshuari i tretë është arrestuar për shkak të dyshimit se ka kryer veprën trajtim i pandërgjegjshëm mjekësor dhe për shkak të sulmit ka pranuar tretman mjekësor. Me vendim të prokurorit, të dyshuarit pas intervistimit janë dërguar në mbajtje”, thuhet në raport.