Dy “kufoma alienësh” janë gjetur në Peru, pasi misteri i origjinës së tyre merr një kthesë të re.

Paloma dhe Antonio janë emrat e dy figurave të reja që janë zbuluar në shkretëtirën Nazca, shtatë vjet pasi e para u zbulua nga Jaime Maussan.

Në mënyrë intriguese, dy “kufomat” e reja kanë gjithashtu të njëjtët tre gishta si të tjerët, por kanë sy më të vegjël, të pjerrët dhe janë në madhësinë e një “të rrituri të shkurtër”.

Në janar të këtij viti, ekspertët e mjekësisë ligjore thanë se dy nga kufomat e tjera të supozuara që kishin tre gishta ishin bërë në fakt nga letra, ngjitësi, metali si dhe kockat e njeriut dhe kafshëve.

En la Próxima Segunda Audiencia Pública del Perú para establecer una normativa acerca de los Seres Tridactilos de Nazca; el programa oficial prevé presentar físicamente a estas entidades no humanas; cuyos estudios científicos han sido notificados el día de hoy al Poder… pic.twitter.com/3fySJYTlSa

— Jaime Maussan (@jaimemaussan1) November 9, 2024

Ato ishin sekuestruar në një dërgesë në Meksikë dhe analiza u duk se hodhi poshtë teoritë se ato ishin alienë, përcjell Telegrafi.

Edhe arkeologu Flavio Estrada, i cili udhëhoqi analizën, tha se pretendimet se ata vinin nga një “një planet tjetër”, ishin krejtësisht të rreme.

Por kjo nuk e ka ndaluar Dr. David Ruiz Vela, ish-president i shoqatës mjekësore të Perusë, i cili beson se kufomat e reja kanë organe të ngjashme me njeriun dhe një strukturë truri.

Pas analizimit të dy figurave që ai beson se janë rreth 1500 vjet të vjetra, ai tha se Antonio kishte një plagë me thikë në gjoks, ndërsa Paloma ishte e para nga ‘kufomat’ që kishte flokë.

Maussan ka paraqitur më shumë se 10 nga këto ‘kufoma’ në Kongresin e Meksikës në një përpjekje për të treguar se ato janë një jetë aliene.

Por në të njëjtën kohë këto pretendime për jetë aliene u hodhën poshtë nga një raport nga zyra e prokurorit peruan.

Ai zbuloi se trupat e dyshuar të alienëve ishin në të vërtetë “kukulla të prodhuara së fundmi, të cilat janë mbuluar me një përzierje letre dhe ngjitës sintetik për të simuluar praninë e lëkurës”. /Telegrafi/