Një rast i rëndë ku është përdorur dhunë fizike ka ndodhur në një nga shtëpitë e të moshuarve në Kosovë. Në lidhje me rastin që tronditi të gjithë ka reaguar edhe specialistja e psikologjisë mjekësore, Donika Tahirsylaj Alidemi.

Ajo në një prononcim për Insajderin tha se për infermieret nuk mjafton vetëm burgu, kjo pasi siç thotë ajo veprimet duket se nuk po bëhen për herë të parë.

Një sjellje të tillë Tahirsylaj- Alidemi e sheh si të papranueshme dhe e njëjta thotë se duhet të largohet i tërë stafi udhëheqës.

“Nuk mjafton vetëm burgosja. Këtu shihet qartë që “Loja dhe humori si dhe inqizimi është diçka e zakonshme në këtë institucion“. Është e trishtueshme si dhe e pa pranueshme një sjellje apo abuzim i tillë! Përgjegjësia bie mbi tërë stafin udhëheqës të grupit të infermiereve mjekeve shefit dhe drejtorisë. Menagjmenti duhet të ndjejë përgjegjësi morale dhe njerëzore për të tëra veprimet trishtuese të stafit të cilat shihen kjart qe nuk janë për herë të parë. Thjesht abuzim me pacient. Nuk mjafton vetëm burgosja, por duhet të largohet i gjithë stafi udhëheqës nëse mund te arsyetohet kjo dhunë”, tha ajo për Insajderin.