×
  • Sport
  • Sport

    Reali planifikon ta zyrtarizojë Mbappen para Euro 2024

    Insajderi
    30 May 2024 - 11:53
    Klikoni Këtu për t'u bërë pjesë e kanalit të Insajderit në Youtube.

    Real Madridi po planifikon ta kompletojë dhe ta zyrtarizojë transferimin e Kylian Mbappes para fillimit të Kampionatit Evropian.

    “Los Blancos” nuk besojnë se do të kenë telashe nga klubi aktual i futbollistit, Paris Saint-Germain, njofton gazetari sportiv italian Fabrizio Romano.

    Edhe pse ka kontratë me PSG-në deri në fund të qershorit, Mbappé mund të zyrtarizohet nga “Los Blancos” para “Euro 2024”.

    Reali aktualisht është i fokusuar totalisht tek finalja e Wembleyt, që do të luhet këtë fundjavë ndaj Borussia Dortmundit, ku synon ta fitojë trofeun e 15-të të Championsit.

    E më pas, “Mbretërit” mund ta bëjnë publik transferimin e njërit prej futbollistëve më të mirë në botë.

    Vetë ish-futbollisti i Monacos foli mbrëmë rreth të ardhmes duke thënë se klubi i tij i ardhshëm do të zyrtarizohet së shpejti, por nuk përmendi emrin.

    “Ekipi im i ardhshëm do të zyrtarizohet shpejt, është çështje ditësh. Mezi po pres, jam i lumtur. Duhet vetëm të presim për disa ditë”, tha Mbappe.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark