Një 76 vjeçar nga fshati Dol i komunës së Gjakovës ka ndërruar jetë pasi që ra në përroin e fshatit.

Viktima ka humbur jetën  derisa ishte duke kaluar përroin ku si pasojë e reshjeve të shiut në këtë përrua është rritur intensiteti i ujit.

Rastin e ka konfirmuar Policia e Kosovës në rajonin e Gjakovës, ku në një komunikatë për media thekson se pas rreth një orë e gjysmë kërkimi me njësitet emergjente  kanë hasur në trupin e pajetë të viktimës J.T i moshës 76 vjeçare.

“Për këtë rast janë ndërmarrë të gjitha masat e duhura, ndërsa në konsultim me prokurorin e shtetit trupi i pajetë i është dorëzuar familjarëve”, thuhet në një komunikatë për media.