Mediumi prestigjioz “Reuters”, ka raportuar për dakoordimin e Kosovës dhe Serbisë për normalizimin e marrëdhënieve.
Kryeministri i Kosovës, Albin Kurti dhe presidenti i Serbisë, Aleksandër Vuçiq, u takuan të hënën pasdite ku diskutuan për planin franko-gjerman.
Mediumi citon shefin për Politikë të Jashtme dhe Siguri të Bashkimit Evropian, Josep Borrell, i cili ka thënë se “nuk nevojiten më diskutime për planin frako – gjerman”.
Tani çështja e tij ka mbetur forma e zbatimi dhe për këtë dialogu midis Kosovës dhe Serbisë do të vazhdojë.
Për muajin mars është paraparë një tjetër takim i nivelit të lartë mes Kosovës dhe Serbisë në Maqedoninë e Veriut.
Reuters ka cituar edhe kryeministrin Kurti i cili ka thënë se “ishte i gatshëm të nënshkruante, por Serbia ka refuzuar”.
Ndërkaq Vuçiq citohet të ketë thënë se “takimi ka qenë shumë i vështirë”.
Ndërkaq, Gabriel Escobar, përfaqësuesi amerikan për Ballkanin Perëndimor ka deklaruar se “nevojitet akoma shumë punë”.
Në këtë artikull përmendet edhe Asociacioni i Komunave me Shumicë Serbe si problem, pasi Gjykata Kushtetuese ka gjetur shkelje në marrëveshjet për Asociacionin në vitin 2013 dhe 2015.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
