Deputeti i Lëvizjes Vetëvendosje, Arbër Rexhaj në emisionin Politiko në Kanal 10 ka folur rreth arrestimit të kryeshefit të KEK-ut, Nagip Krasniqit, ai ka hedhur poshtë pretendimet që po qarkullojnë në opinion se ky i fundit ka lidhje me partinë në pushtet.
Rexhaj ka thënë se Krasniqi nuk është anëtar i Lëvizjes Vetëvendosje dhe se drejtësia do ta thotë fjalën e vetë.
“Personin të cilin që e përmendet ju si anëtar të VV-së unë e kam pasur në Komision hetimor dhe e kam intervistuar vetë, por nuk është anëtar i VV-së. Mos të keqkuptohet se nuk është formë e distancimit nga ai, por është një e pavërtetë. Pra personi që është arrestuar sot, ku në ditët në vazhdim drejtësia do ta thotë fjalën e vetë, mirëpo nuk është i Vetëvendosjes. Vetë e kam intervsituar në Komision hetimor.”, ka thënë Rexhaj.
Deputeti i pozitës, ka akuzuar të tjerët se këtë rast po e shfrytëzojnë për ta bërë opozitën, duke e ndërlidhur këtë rast me atë të ambasadorit Berishaj.
“Kjo nuk lidhet asgjë me VV-në. E pash një llloj tendence me lidh rastin e Martin Berishajt me këtë personin, pas tendencë me përafrimin e rasteve të dyjave. Por realisht dikush duhet ta bëj opozitën këtu qoftë edhe duke ngritur edhe gjëra të pa qënura.”, tha ai.