Deputeti i Lëvizjes Vetëvendosje, Rexhep Selimi nuk ka nguruar ta quajë skizofren kryeministrin e vendit, Isa Mustafa.

Selimi këto komente i bëri në emisionin InfoBox të RTV Dukagjinit, duke komentuar pikërisht postimet e kryeministrit Mustafa nëpër rrjetet sociale.

“Mirë tash, a të merrem me skizofreninë e kryeministrit? Ky është qëndrim skizofren. Nuk e kuptoj, deri atje ka arritur ai me këto postime publike, nganjëherë i shkruan, nganjëherë i shlyen”, tha Selimi.

Selimi foli edhe për seancën e sotme ku u debatua për vdekjen e Astrit Deharit, për të cilën tha se nuk ishte séance që kërkuan mbi 23 mijë nënshkrues të peticionit, si dhe rekomandimet e dala nuk janë obliguese për qeverinë.

Madje, ai akuzon subjektin e tij politik, PDK-në, se është munduar të tërheq diagonale mes vdekjes së Astritit dhe atyre që janë vrarë për ISIS-in.

Selimi tha se pushteti po mundohet ta vonojë triumfin e Vetëvendosjes, duke tentuar edhe ta nxjerr nga skena politike. /Insajderi.com