Këngëtari i njohur shqiptar, Robert Berisha, ka qenë i ftuar së fundmi në një nga kronikat e emisionit “Prive”.

Ai ka rrëfyer pesë datat më interesante në jetën e tij, ku në njërën prej tyre është ndalur duke treguar momentin kur ai përfundoi në prangat e autoriteteve gjermane.

Kjo histori daton nga koha kur ai ishte 17 vjeç dhe së bashku me grupin Ilirët dhe një numër këngëtarësh nga Kosova, kishin shkuar drejt Gjermanisë për të mbajtur koncerte, ku kishin qëndruar për tri muaj.

Mirëpo në atë kohë, ata nuk ishin të vetëdijshëm që viza e tyre kishte vlefshmëri vetëm për dy javë, e duke kaluar qëndrimin legal, shteti gjerman i burgosi këngëtarët në fjalë

“Kemi qenë një turne tre mujor me 60 koncerte në krejt Gjermaninë edhe një organizator (mos t’ia përmendi emrin), krejt i ka bërë në rregull veç sendin kryesor nuk e ka bërë në rregull: I kemi pasur vizat për dy javë, dhe kur u ndalëm në një pompë benzine, ne krejt merrnim gjëra dhe organizatori paguante, edhe ai qe punonte aty e ka vërejtur edhe ka thënë me vete: ‘Ky i ka marrë këta në të zezën ashiqare’, edhe ka njoftuar policinë dhe ka ardhur policia na ka fut në burg, edhe aty e kemi marrë vesh se i kemi pasur vizat për dy javë”, ka rrëfyer ndër të tjerash Roberti.

Sherri i këtij i këtij dënimi, këngëtari Berisha tregon se nuk ka mundur të udhëtoj për 10 vite në Evropë, pasi ka pasur ndalesë për shkeljen e bërë.