18:40 - 22 Korrik 2022

Në orët e vona të mbrëmjes, tre persona e zënë në pritë imamin Zeqir Berisha në fshatin Lupç.

Rrahja brutale ndaj hoxhes erdhi me arsyetimin se ata ishin munduar të ndërhyjnë në mënyrën e organizimit të jetës fetare brenda xhamisë të cilën imami ka drejtuar.

Imami Zeqiri i kishte lajmëruar në polici kohë më parë këta persona, për ngacmim dhe kërcënim, por që nga organet e rendit nuk ishin ndërmarr hapa.

Rastin e rrahjes e ka konfirmuar edhe Policia e Kosovës derisa bëhet me dije se të njëjtit pas intervistimit janë dërguar në qendrën e mbajtjes.

“Personi i lënduar Z.B. mashkull, është dërguar për tretman mjekësor, ndërkohë që njësitet policore të Podujevës menjëherë kanë filluar ndërmarrjen e verimeve operativo-hetimore dhe kanë arritë të arrestojnë tre persona të dyshuar. Personat e arrestuar: 1. B.M, mashkull 27 vjeç, 2.A.M, mashkull 28 vjeç dhe 3. Sh.M mashkull 25 vjeç”, ka thënë Flora Ahmeti, zëdhënëse e policisë së Kosovës për Insajderin.

Në lidhje me këtë kanë reaguar edhe edhe Bashkësia Islame të cilët e kanë denuar rastin.

Kryeimami i komunës së Podujevës Bekim Jashari, u shpreh se imami ishte ankuar për personat në fjalë dhe se Këshilli i Bashkësisë i kishte njoftuar organet e rendit.

Ndërsa Imami Besim Gashi ka rrëfyer gjendjen shendetsore në të cilën është hoxha dhe shtoi se gjendja e tij vazhdon të mbetet e rëndë.

Për këtë rast, të tronditur kanë mbetur edhe qytetarët.

Fillimisht rasti ishte iniciuar si “lëndim i rëndë trupor” por vetëm pastaj me sugjerim të prokurores për Krime të Rënda rasti është duke u hetuar si “vrasje në tentativë”.