Një person në Prishtinë ka raportuar të enjten në polici, se është rrëmbyer nga dy persona të panjohur.

Sipas viktimës ai është futur me forcë në një veturë, ndërsa njëri nga të dyshuarit në dorë ka pasur një thikë.

Viktima ka pranuar tretman mjekësor, ndërsa nuk raportohet për të arrestuar.

“Viktima mashkull kosovar, ka njoftuar se është futur me forcë në një veturë nga dy persona të panjohur. Sipas viktimës njërit prej të dyshuarve ka pasur në dorë një thikë. Viktima ka pranuar trajtim mjekësor për shkak se shihej se kishte lëndime. Nuk raportohet për të arrestuar. Rasti në hetime”.