Rreth 700 mijë persona kanë marrë pjesë në panairin e 86-të të veturave “International Motor Show” në Gjenevë të Zvicrës.

Bëhet fjalë për 0.7 për qind më shumë vizitorë se vitin e kaluar. Pak më shumë se gjysma e vizitorëve, sipas një sondazhi, erdhën nga vendet jashtë Zvicrës, 30 për qind erdhën nga Franca, 6 për qind nga Italia, 3 për qind nga Gjermania dhe 9 për qind nga vendet e tjera.

Ndërkohe edhe organizatorët janë të kënaqur me rezultatin, shkruan albino.ch

“Ne festojmë këtë vit për një panair të madh”, citohet të ketë thënë shefi i panairit, Maurice Turrettini.

Panairi i ardhshëm “International Motor Show” do t’i hapë dyert nga 9 deri në 19 mars të vitit 2017./Insajderi.com