65-vjeçari, Muhamet Azemi u aksidentua për vdekje në Mitrovicë.

Derisa ai ishte me biçikletë, i ndjeri u godit nga një veturë.

Lidhur me këtë ngjarje të rëndë, ka shkruar Hoxhë Fatmir Latifaj, i cili bëri të ditur se pak para momentit të aksidentit, ata ishin bashkë për të falur jacinë.

“Baci Met, veq sa e falëm bashkë jacinë, Allahu na pranoftë edhe u përshëndetëm por nuk e dita që do të ishte selami ynë i fundit në këtë dynja! Baci Met, na bon hallall! Na bashkoftë Allahu në xhennet! Amin!”, ka shkruar Latifaj në Facebook.

Azemi ishte aktivist i devotshëm për komunitetin, ashtu edhe autor i dy librave me aforizma, shkroi ai.

Aksidentin për Insajderin e ka konfirmuar nga zëdhënësi i policisë për rajonin e Mitrovicës Avni Zahiti teksa shtoi se ka ndodhur rreth orës 18:35 ku kanë qenë të përfshirë një veturë dhe një biciklist.

“Sonte, rreth orës 18:35, në rrugën ,,Dëshmorët e Kombit” në Mitrovicë është shkaktuar aksident trafiku me pasojë fataliteti, në aksident janë përfshirë një veturë dhe një biciklist ku si pasojë e lëndimeve të pësuar në vendngjarje ka humbur jetën këmbësori viktima mashkull /kosovar i moshës 65 vjeçar. Njësitë përkatëse policore janë në vendin e ngjarjes dhe janë duke u marrë me hetimin e aksidentit”, konfirmoi ai.