Ministri në detyrë i Financave, Hekuran Murati, është shprehur bindshëm se i kanë numrat që të votohet qeveria.

Hekuran Murati deklaroi para gazetarëve se do t’i sigurojnë votat për formimin e qeverisë, kurse tha “sa më shumë sa më mirë“.

“Gjithsesi, patjetër që po. Sipas Kushtetutës, me votat e deputetëve të Kuvendit. Për të gjitha këto, është çështja e subjektit. Patjetër që po. 61 i kërkon Kushtetuta, sa më shumë sa më mirë”, tha ai.

Zëra të ndryshëm brenda VV’së kanë bërë të ditur se e kanë të vështirë të formojnë qeveri vetëm me votat e pakicave.

Seanca konstituive për formimin e Kuvendit është caktuar më 15 prill (të martën e ardhshme). /Insajderi.org/