Edhe sot është duke vazhduar operacioni i sekuestrimit të villave në Brezovicë. Prokurua Themelore e Ferizajt ka njoftuar dje se janë rreth 100 villa që do të sekuestrohen në Zonën e Dytë të Parkut Kombëtar “Sharri”.

Dje janë sekuestruar një pjesë e madhe e tyre ndërsa operacioni ka vazhduar edhe sot. Prokurori i rastit Rasim Maloku ka konfirmuar për Insajderin se aksioni po vazhdon në zonën e dytë.

“Po edhe sot po vazhdon operacioni i sekuestrimit të villave”, tha ai.

I pyetur se sa villa janë sekuestruar deri me tani, Maloku nuk tregoi për numrin pasi tha që janë duke vazhduar.

“Ju njoftoj me vonë”, tha ai./Gazeta Insajderi/