×
  • Lajme
  • Lajme

    Sekuestrohen 35 mijë litra pije alkoolike të prodhuara pa autorizim në Prizren

    Insajderi
    22 May 2023 - 14:30

    Dogana e Kosovës e ka organizuar një aksion në fshatin Novak të Prizrenit pasi dyshohej për prodhim të pijeve alkoolike pa autorizim.

    Në njoftimin e Doganës së Kosovës thuhet se pas bastisjes në lokacionin e dyshuar kanë gjetur 32,850 litra verë dhe 2,350 litra raki rrushi të prodhuara pa autorizim të nevojshëm e cila ishte në pronësi të kompanisë së dyshuar.

    Pijet alkoolike të konstatuara në depon e pa autorizuar nga dogana për prodhim dhe mbajtje janë pllombuara.

    Derisa sasia e gjetur është si në vijim:

    – Verë e kuqe e prodhuar ne vitin 2021, merlot 14% alk., sasia 5,000.00 litra;

    – Verë e kuqe e prodhuar ne vitin 2021, cabernet sauvignon 14% alk., sasia 7,000.00 litra;

    – Raki rrushi 2021, 43% alk., sasia 2,150.00 litra;

    – Verë e kuqe e prodhuar ne vitin 2022, merlot 13% alk., sasia 5,000.00 litra;

    – Verë e kuqe e prodhuar ne vitin 2022, cabernet sauvignon 12.5% alk, sasia 15,850.00 litra;

    – Raki rrushi 2022, 45% alk., sasia 200.00 litra;

    – Mbetje të verës, sasia 200.00 litra.

    Për mallin e konstatuar dhe të ndaluar si më sipër, vlera e tij parashihet të jetë rreth 30.000 mijë euro. Rasti ka vazhduar për hetime të mëtejme pas intervistimit të personave përgjegjës. 

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark