Të paktën një person ka humbur jetën ndërsa tre të tjerë janë ende të zhdukur pas një shpërthimi në një depo ushtarake në qendër të qytetit serb Kragujevac, rreth 50 km larg Beogradit.

Ministria serbe e Mbrojtjes konfirmoi incidentin, duke theksuar se shpërthimi i pasdites së sotme ndodhi në një depo municionesh.

Megjithatë, ajo që është më e rëndësishme është frika se numri i të plagosurve mund të shtohet, sipas asaj që thonë kreu i shërbimeve të emergjencës dhe doktori Aleksandar Kliçkoviç.

Rrjeti televiziv kombëtar serb, “RTS” raportoi se numri i të plagosurve mund të jetë të paktën 20 të tillë. Ministri i Mbrojtjes, Zoran Djordjeviç është nisur menjëherë për në vendngjarje, siç raportohet nga dikasteri i mbuluar prej tij.

Në depo thuhet se ka pasur mina dhe municione të tjera, ndërsa mediet lokale informojnë se pas shembjes së çatisë së saj mund të jenë bllokuar shumë persona brenda.