Futbollistit kosovar nuk i interesojnë kritikat që i kishte marrë gjatë kësaj kohe të kaluar në Angli.

“Nuk kam nevojë të kritikojë askënd. Nuk me nevojitet të rikthej ndonjë gjë prapa. Nuk më intereson që këta njerëz më kritikojnë”, deklaroi Shaqiri për Daily Star, njofton Insajderi.

Shaqiri foli edhe për situatën që po kalon tek Stoke City, duke e cilësuar shumë të mirë dhe se po kënaqet në Angli.

“Unë po kënaqem në Stoke, dhe në secilën ndeshje po kënaqem.  Kemi një skuadër të mirë, dhe po bëjmë një sezon të mirë. Jam shumë i lumtur këtu”, tha Shaqiri

Shaqiri kaloi në Stoke nga Interi gjatë afatit kalimtar të verës për shumën e 15 milionë eurove.