Wolfgang Petritsch, diplomat austriak, ka treguar se si Shtetet e Bashkuara të Amerikës ka dashur të dërgojë forcat ajrore menjëherë pas Masakrës së Reçakut.

Petritsch në një intervistë për mediumin serb ‘Danas’ ka thënë se evropianët këmbënguën që të fillojnë me negociata përpara fushatës së bombardimeve, shkruan Gazeta Insajderi.

“Që nga tetori 1998, ekziston një i ashtuquajtur urdhër aktivizimi i NATO-s, hapi i fundit përpara ndërhyrjes aktuale ushtarake. Disa ambasada evakuuan zyrat e tyre dhe u larguan nga Beogradi. Ata u kthyen shpejt sepse Millosheviqi tërhoqi një pjesë të forcave të tij nga Kosova dhe lejoi Misionin Verifikues të OSBE-së të hynte në Kosovë. Pra, ishte një situatë shumë e rëndë tashmë në fund të vitit 1998. Por pas një periudhe të shkurtër qetësie, konflikti vazhdoi dhe përfundoi vetëm në Reçak në mesin e janarit 1999, ku forcat speciale vranë 45 civilë. Kjo masakër ndryshoi lojën”, deklaroi Petritsch.

“SHBA-të donin të dërgonin menjëherë forcat ajrore, por ne evropianët këmbëngulëm se tani ishte koha për të ftuar të dyja palët për të filluar negociatat serioze, bazuar në një marrëveshje të përkohshme që të dyja palët e kishin njohur prej shumë muajsh. Rambujeja ishte me të vërtetë më shumë se vullneti politik për të gjetur një zgjidhje kompromisi”, ka thënë tutje ai.

Petritsch ka thënë se lufta nuk është kurrë zgjidhje dhe se ofrojnë “përfundim të trishtuar”.

Tutje, ai ka thënë se Kosova dhe Serbia mund të bënin më shumë.

“Në një situatë më të mirë se 25 vjet më parë, por larg vendit ku mund të ishin Serbia dhe Kosova”, ka deklaruar ai kur është pyetur se “ku është sot Kosova dhe Serbia”. /Insajderi.org/