Shtetet e Bashkuara i kanë dënuar pretendimet e presidentit të Turqisë, Recep Tayyip Erdogan, se forcat e koalicionit perëndimor i mbështesin grupet “terroriste” në Siri, përfshirë Shtetin Islamik (IS). Zyrtarë të lartë amerikanë thanë se këto akuza janë “absurde”.

Presidenti turk Recep Tayyp Erdogan ka thënë dje se ka dëshmi se perëndimi po e mbështet Shtetin Islamik, e jo Turqinë, shkruan REL.

Grupi ekstremist, Shteti Islamik, është në shënjestër të sulmeve ajrore të Shteteve të Bashkuara në Siri dhe Irak prej vitit 2014.

Zëdhënësi i Departamentit amerikan të shtetit, Mark Toner, këto akuza i ka vlerësuar si “absurde” dhe tha se në fakt nuk ka mbështetje për to.