Deputeti i partisë në pushtet, Visar Korenica, është shkarkuar nga pozita e koordinatorit të Qendrës së LVV-së në Rahovec në mbledhjen e mbajtur dje.

Lajmin e ka konfirmuar vetë Korenica. Deputeti Korenica e pohoi se ai është shkarkuar nga pozita e koordinatorit për shkak të qëndrimit të tij kundër bashkëjetesës së seksit të njëjtë.

“Po, është e vërtetë. Jam shkarkuar për shkak të qëndrimit tim për projekt-kodin civil”, ka thënë ai gjatë ditës.

Për shkarkimin është deklaruar Eman Rrahmani.

Deputet i Kuvendit, e ka cilësuar si jo demokratik shkarkimin e Korenicës për shkak të qëndrimit të tij kundërshtues ndaj projekt-kodit civil.

Rrahmani theksoi se kjo ngjarje do të humbasë më së shumti vetë Lëvizja Vetëvendosje, pasi, sipas tij, Korenica është dpeutet e aktivist shembull.

“Shkarkim jo demokratik, ku nga kjo më së shumti do të humbë Lëvizja VETËVENDOSJE! Visari është deputet e aktivist shembull!”, deklaroi Rrahmani për Nacionalen.

Lexo edhe: