Autoritetet turke kanë shkarkuar nga detyra rreth 2745 gjyqtarë, raporton NTV në Turqi, duke cituar një vendim nga Këshilli i Lartë i Gjyqtarëve dhe i Prokurorëve (HSYK).

Gjithashtu agjencia shtetërore e lajmeve “Anadolu” shkruan se edhe pesë anëtarë të HSYK-së, bordit më të lartë gjyqësor në Turqi, janë hequr nga puna.

Sipas mediave turke, vendimi është marrë nga trupa që mbikqyrin gjyqtarët e prokurorët. Takimi ishte mbajtur për të diskutuar masat disiplinore kundër atyre që mendohet se kishin lidhje me organizatorin e grushtit të shtetit Fetullah Gulen.