Nëse energjia elektrike mund të gjenerohet nga dielli dhe era, është gjithashtu e mundur të prodhohen ushqime që nuk do të ndikonin negativisht në klimë dhe nuk do të kishin efektin e gazrave serë.

Ushqimi i ri është një përbërës me proteinë të lartë, miell që përmban 50 për qind proteinë, pesë deri në 10 për qind yndyrë dhe 20-25 për qind karbohidrate.

Shkencëtarët pretendojnë se ajo ka shije si miell gruri, në mënyrë që të mund të bëhet një nga përbërësit kryesorë të shumë produkteve ushqimore nga viti 2021, transmeton KosovaPress.

Procesi i prodhimit të ushqimit të quajtur “solein” përdor gazra serë, merr dyoksid karboni nga ajri, dhe pastaj e kombinon atë me ujë, një dozë më të ulët të ushqyesve dhe vitaminave.

Pastaj, duke përdorur njëqind për qind energji të rinovuar diellore, fillon një proces natyral fermentimi të ngjashëm me atë të përdorur për të prodhuar maja.

BBC raporton se shkencëtarët dëshirojnë që “mielli i proteinave” të jetë një shtesë neutrale për të gjitha llojet e ushqimit.

Ajo duhet të ngjasojë me vaj palme, e cila i shtohet ëmbëlsirave, akulloreve, biskotave, makaronave, petëve, salcës dhe bukës, dhe shkencëtarët thonë se mund të përdoret gjithashtu në rritjen e mishit ose peshkut.