Policia gjermane njoftoi se së paku 12 veta kanë mbetur të vrarë dhe rreth 48 të tjerë janë plagosur, pasi një kamion është futur në një treg të Krishtlindjeve, në qendër të Berlinit.

Sipas burimeve të cituara të agjencisë së lajmeve DPA, shoferi mendohet se është azilant nga Pakistani, shkruan BBC.

Policia dyshon se kamioni është përplasur qëllimisht për turmën dhe kjo është një “vepër terrorizmi”. Policia e ka arrestuar një person afër tregut për të cilin thotë se është shoferi i kamionit.

Një person i dytë që ka qenë pasagjer në kamion, që sipas policisë është me shtetësi polake, i cili ka vdekur në vendin e ngjarjes. Policia tregon se polaku nuk e ka pasur kamionin nën kontroll kur ai është përplasur rreth 80 metra në thellësi të turmës.

Televizioni polak  TVN 24, raporton se kamioni që është përplasur me turmën është pronë e një kompanie polake, ndërsa policia gjermane ka thënë se ata po e hetojnë rastin me dyshimin se kamioni është vjedhur.