Pluhur dhe rrënoja që rrethojnë hyrjen e një tuneli në dhomën e një ndërtese tashmë të braktisur. Në një tjetër foto, një kuzhinë ku dyert e dollapit janë lënë të hapura dhe një frigorifer mbi të cilin janë ngjitur disa foto.

Kjo është ajo që ka mbetur pas në ndërtesa në periferi të Mosulit të cilat vetëm pak ditë më parë ishin të banuara nga militantë të Shtetit Islamik, shkruan Tch.

Ofensiva e nisur para pak ditësh nga forcat e irakiane për të rimarrë kontrollin e qytetit të dytë më të madh në vend, Mosulit, ka bërë që militantët të braktisin deri tani të paktën ndërtesat në periferi të qytetit.