Qeveria e Serbisë ka miratuar të enjten vendimin që u mundëson shtetasve të Shqipërisë të hyjnë në territorin e Serbisë vetëm me një letërnjoftim të vlefshëm biometrik.

Vendimi është rezultat i një marrëveshje të nënshkruar midis dy vendeve, e cila lehtëson qarkullimin e njerëzve, mallrave dhe kapitalit, thuhet në vendimin e Qeverisë së Serbisë.

Zbatimi i këtij vendimi, siç thuhet, krijon parakushte shtesë për zhvillimin e mëtejshëm të bashkëpunimit ekonomik, shkencor, arsimor, sportiv dhe kulturor midis dy vendeve.